 |
É mi ke juanzinhu la di ribera palmareju
Riba fonton
É mi kel ki tudu ta txoma di burru
É na stória, é na skola, é na tudo – koitado juanzinhu
É mi ke juanzinhu ka bunitu pa ngaba mas tanbi ka feiu pa fulha
Pikenas kin pega kin da un trabadjada
Ta dizeja pa obra ka finda nunca más
É mi ke juanzinhu, ora kin sai na rua rapazis ta bira moda mudjer
Ta rué na nha vida, ka ta dexan ketu
É mi ke juanzinhu, ka riku mas tanbi ka pobri
Riku spiritualmenti, kabesa senpri labantadu
Tó ki-n poi nha xarmi, di meu, so di meu
Oh mundu, txeia ta korri na boka e na perna d´alguen
É mi ke juanzinhu raskon, pé firmi a txon
Mudjer ta odja di longi
Ta kumesa ta fadiga, ai juanzinhu di meu
Mas juanzinhu li ka di ninguen
Juanzinhu li, é so juanzinhu
Iuuuuuuuu, diaxi nhó é mi ke juanzinhu.
Sem comentários:
Enviar um comentário